If you prefer the English language version please follow this link
. Inclusam Danaen turris aenea Robustaeque fores et vigilum canum Tristes excubiae munierant satis Nocturnis ab adulteris Si non Aerisium virginis abditae Custodem pavidum Juppiter et Venus Risissent, fore enim tutum iter et patens Converso in pretium deo. Aurum per medios ire satellites Et perrumpere amat saxa potentius Ictu fulmineo: concidit auguris Argivi domus ob lucrum Demersa exitio; diffidit urbium Portas vir Macedo et subruit aemulos Reges muneribus; munera navium Saevos illaqueant duces. Crescentem sequitur cura pecuniam Majorumque fames. Jure perhorui Late conspicuum tollere verticem, Maecenas, equitum decus. Quanto quisque sibi plura negaverit, Ab dis plura feret: nil cupientium Nudus castra peto et transfuga divitum Partes linquere gestio, Contemptae dominus splendidior rei, Quam si quidquod arat impiger Apulus Occultare meis dicerer horreis, Magnas inter opes inops. Purae rivus aquae silvaque jugerum Paucorum et segetis certa fides meae Fulgentem imperio fertilis Africae Fallit sorte beatior. Quamquam nec Calabrae mella ferunt apes Nec Laestrygonia Bacchus in amphora Languescit mihi nec pinguia Gallicis Crescunt vellera pascuis, Importuna tamen pauperies abest, Nec si plura velim tu dare deneges. Contracto melius parva cupidine Vectigalia porrigam Quam si Mygdoniis regnum Alyattei Campis continuem. Multa petentibus Desunt multa: bene est cui deus obtulit Parca quod satis est manu.
Please advise Alasdair McKay of any errors or omissions, or request from him any necessary explanations.
Recent statistics of accesses to this site.
" Le Canada - quel pays! ... ou fleurit le scelerat
et perit l'homme honette "
M. le marquis de Montcalm,
Gouverneur de la Nouvelle France ( ca. 1755 )
______________ plus ca change ........
.